Sun. Nov 28th, 2021

Një detaj I fortë ka dalë në pah mbi aksidentin fatal që ndodhi në Bullgari. Në media fillimisht u tha se ishin 45 viktima dhe 7 të mbijetuar.

Prokurorja tha se në vendngjarje kanë numëruar 44 trupa të pajetë, ndërkaq një i mbijetuar i ri u ka deklaruar se ka shpëtuar 8 persona, ndërkaq në autobusë kanë qenë 52 udhëtarë.

“Shqyrtohet mundësia që një nga udhëtarët të ketë zbritur dhe ka hypur në autobus tjetër në bazë të listët se në autobus ka pasur 52 udhëtarë”, tha prokurorja, transmeton TV21.

Ajo është përlotur gjatë paraqitjes para mediave, pasi informacionin se janë shpëtuar 8 persona e ka marrë nga i mbijetuari i moshës së re, siç tha ajo, të moshës së njëjtë me të birin e saj.

“Unë i thash atij ti je hero, sepse ke arritur të shpëtosh 7 persona. Ai më tha, jo, unë kam shpëtuar 8 persona. Tani u krijua dyshimi se ku është edhe një person”, tha ajo.